माझा विठ्ठलु गोविंद!!

चंद्रभागेतीरी नांदे माझी विठू माऊली
पंढरी हे भाग्यवंत, लाभे कल्पवृक्षाची सावली II धृ II
जाहला हो गजर विठूचीया नामाचा,
परमानंदे विहरतो भक्त मी माऊलीचा II १ II
सावळे हे रूप कसे भावले मनाला,
विठ्ठलू रे आता, केवळ तुझा ध्यास मजला II २ II
कर कटेवरी ठेवूनिया समर्थ राजा पंढरीचा,
करी दुबळ्यास माया, गून्हेगारा देई सजा II ३ II
असे अथांग सागर पंढरीनाथाच्या दयेचा,
मोह मज आवरेना रूप पाहण्याचा त्याचा II ४ II
चंद्रभागा झाली ऋणी विठ्ठलाचे नाम स्मरी,
पांडुरंगाच्या नामोल्लेखाने दुमदुमली अवघी पंढरी II ५ II
माझा पंढरीचा राजा म्हणे सत्कार्य व्हा अर्पण,
करा समाजाची सेवा, सत्यामार्गे करा भ्रमण II ६ II
आता इप्सित केवळ एक, वाणीत असावा सदा पांडुरंग,
विठ्ठलाच्या भक्तिरसात लीन टाळ नि मृदुंग II ७ II
दास नाथाचा म्हणे हा माझे माहेर पंढरी,
नाथाच्या ह्या विश्वामध्ये भाक्तीवेचीच संचारी II ८ II
असे मानवसेवेत माझ्या माऊलीचा उद्देश,
माणुसकीच लेण जपा, असे विठूचा संदेश II ९ II
साऱ्या विश्वाच्या काळजीत नसे भगवंताला विराम,
म्हणूनच गोविंदा-चरणी ज्ञानेश्वर तुकाराम II १० II
- सुधांशु